ಏಳು ಸಾವಿರ ವರ್ಷಗಳ ಹಿಂದೆಯೇ ಭಾರತದಲ್ಲಿ ವಿಮಾನವಿತ್ತು

“ಭಾರತದಲ್ಲಿ 7 ಸಾವಿರ ವರ್ಷಗಳ ಹಿಂದೆಯೇ ವಿಮಾನಗಳನ್ನು ಆವಿಷ್ಕರಿಸಲಾಗಿತ್ತು. ಅವು ಒಂದು ದೇಶದಿಂದ ಮತ್ತೊಂದು ದೇಶಕ್ಕೆ ಮಾತ್ರವಲ್ಲದೆ ಒಂದು ಗ್ರಹದಿಂದ ಮತ್ತೊಂದು ಗ್ರಹಕ್ಕೂ ಚಲಿಸುತ್ತಿದ್ದವು”

-ಕ್ಯಾಪ್ಟನ್ ಆನಂದ್ ಜೆ ಬೋದಸ್

ಮುಂಬೈ ವಿಶ್ವವಿದ್ಯಾಲಯದಲ್ಲಿ ಜನವರಿ 3-7ರವರೆಗೆ ನಡೆದ ಇಂಡಿಯನ್ ಸೈನ್ಸ್ ಕಾಂಗ್ರೆಸ್ನಲ್ಲಿ ಕ್ಯಾಪ್ಟನ್ ಆನಂದ್ ಬೋದಸ್ ಚಿಂತಕರೊಬ್ಬರು ನೀಡಿದ ಈ ಹೇಳಿಕೆ ಭಾರತದ ವಿಜ್ಞಾನಿಗಳು , ಇತಿಹಾಸಕಾರರು ಹಾಗೂ ಇತರೆ ಕ್ಷೇತ್ರದ ಚಿಂತಕರ ನಡುವೆ ಭಾರೀ ವಿವಾದದ ಬಿರುಗಾಳಿಯನ್ನೇ ಎಬ್ಬಿಸಿದೆ. ಕಾವೇರಿದ ವಾಗ್ವಾದಕ್ಕೂ ಕಾರಣವಾಗಿದೆ. ಇದರೊಂದಿಗೆ ಹಲವು ಚರ್ಚೆಗಳು ಮತ್ತೆ ಮುನ್ನೆಲೆಗೆ ಬಂದಿವೆ.

ಇತಿಹಾಸ ಎಂದರೇನು? ಪುರಾಣ ಎಂದರೇನು? ಎಂಬ ಪ್ರಶ್ನೆಗಳು ಚಿಂಕರತನ್ನು ಬಹಳ ವರ್ಷಗಳಿಂದ ಕಾಡಿವೆ. ಭಾರತದಲ್ಲಿ ಮಾತ್ರವಲ್ಲ ಜಾಗತಿಕವಾಗಿಯೂ ಕೂಡ. ನಿಜ ಹೇಳಬೇಕಂದರೆ ಈ ಪ್ರಶ್ನೆಗಳು ಮೊದಲು ಕಾಡತೊಡಗಿದ್ದೇ ಪಾಶ್ಚಾತ್ಯರನ್ನು. ಅವರು ಮೊದಲು ಮಿಥ್ ವರ್ಸಸ್ ಹಿಸ್ಟರಿ (ಪುರಾಣ ಮತ್ತು ಇತಿಹಾಸ) ಎಂಬ ಚೌಕಟ್ಟಿನಲ್ಲಿ ಈ ವಾಗ್ವಾದವನ್ನು ಬೆಳೆಸಿದರು. ಚರ್ಚೆಯ ಅದೇ  ಚೌಕಟ್ಟನ್ನು ಎರವಲು ಪಡೆದ ಭಾರತೀಯ ಚಿಂತಕರು ಭಾರತೀಯ ಪುರಾಣಗಳನ್ನು ಇತಿಹಾಸಕ್ಕೆ ಮುಖಾಮುಖಿ ಮಾಡತೊಡಗಿದರು. ಎಷ್ಟೇ ವರ್ಷಗಳಿಂದ ಈ ಚರ್ಚೆ ನಡೆಯುತ್ತಿದ್ದರೂ ಈವರೆಗೂ ಸರ್ವಸಮ್ಮತ ಎನ್ನಬಹುದಾದ ಉತ್ತರವೊಂದು ದೊರಕಿಲ್ಲ. ಆದರೆ ಬಹುತೇಕ ಚಿಂತಕರು ಒಂದು ಬಗೆಯ ಉತ್ತರಕ್ಕೆ ತಲೆ ತೂಗಿದ್ದಾರೆ. ಅದೆಂದರೆ, ‘ಪುರಾಣ ಇತಿಹಾಸವಲ್ಲ, ವಿಜ್ಞಾನವಂತೂ ಅಲ್ಲವೇ ಅಲ್ಲ’ ಎಂಬುದು.

ಅಷ್ಟಕ್ಕೂ ಅತ್ಯಂತ ಹಳೆಯದಾದ ಈ ಪ್ರಶ್ನೆಗಳು ಈಗೇಕೆ ಮುನ್ನೆಲೆಗೆ ಬಂದಿವೆ? ಈಗಾಗಲೇ ಹೇಳಿರುವಂತೆ ಮುಂಬೈ ವಿಶ್ವವಿದ್ಯಾಲಯದಲ್ಲಿ ನಡೆದ ಇಂಡಿಯನ್ ಸೈನ್ಸ್ ಕಾಂಗ್ರೆಸ್ನಲ್ಲಿ ಕ್ಯಾಪ್ಟನ್ ಆನಂದ್ ಜೆ ಬೋದಸ್ ನೀಡಿದ ಹೇಳಿಕೆಯೇ ಈ ಚರ್ಚೆ ಮತ್ತೆ ಮುನ್ನೆಲೆಗೆ ಬರಲು ಕಾರಣ. ಅವರ ವಾದದ ಸಾರ ಹೀಗಿತ್ತು: “ವಿಮಾನದ ಅನ್ವೇಷಣೆಗೆ ಭಾರತವೇ ಮೂಲ. ಇಲ್ಲಿ ಸುಮಾರು 7  ಸಾವಿರ ವರ್ಷಗಳಷ್ಟು ಹಿಂದೆಯೇ ವಿಮಾನಗಳನ್ನು ನಿರ್ಮಿಸಲಾಗಿತ್ತು. ವೈಮಾನಿಕ ಶಾಸ್ತ್ರದಲ್ಲಿ ಚಿತ್ರ ಸಮೇತ ಇದರ ವಿವರಣೆ ಇದೆ. ಆ ವಿಮಾನಗಳು ಹಿಂದಕ್ಕೂ  ಮುಂದಕ್ಕೂ ಚಲಿಸಬಲ್ಲವಾಗಿದ್ದವು. ಥಟ್ಟಂತ ಮೇಲಕ್ಕೆ ಹಾರುವ ಸಾಮಥ್ರ್ಯವೂ ಅವಗಳಿಗಿತ್ತು. ಜತೆಗೆ, ಗಾಳಿಯಲ್ಲಿ ತೇಲುವ ಎಂದರೆ ನಿಲ್ಲುವಷ್ಟು ಅತ್ಯಾಧುನಿಕವಾಗಿ ಆ ವಿಮಾನಗಳು ರೂಪುಗೊಂಡಿದ್ದವು. ಎಲ್ಲಕ್ಕಿಂತ ಮುಖ್ಯವಾಗಿ ಆ ವಿಮಾನಗಳು ಗ್ರಹದಿಂದ ಗ್ರಹಕ್ಕೂ ಹಾರುವ ಸಾಮಥ್ರ್ಯ ಪಡೆದಿದ್ದವು.”

[ಸೈನ್ಸ್ ಕಾಂಗ್ರೆಸ್‌ನಲ್ಲಿ ನಡೆದಿದ್ದೇನು? ಈ ಕುರಿತು ಕೆಲವು ಸುದ್ದಿಗಳನ್ನು ಇಲ್ಲಿ ಕೊಡಲಾಗಿದೆ:

Ancient India Had Planes: Controversial Claim At Science Congress

Pseudo-science must not figure in Indian Science Congress

forget-modern-research-prof-claims-hindu-epics-need-understand-ancient-world

plastic-surgery-to-ivf-things-bjp-says-hum-indiawaale-had-before-the-world-did]

ವಿವಾದದ ಕಿಡಿ ಏಳಲು ಇಷ್ಟು ಸಾಕಿತ್ತು. ಆ ವಿಜ್ಞಾನಿಯ ಮೇಲೆ ಎಲ್ಲರೂ ಮುಗಿಬಿದ್ದರು; ಚರ್ಚೆಗಳು ಭುಗಿಲೆದ್ದವು; ಟಿವಿಗಳು ತಮ್ಮ ಪ್ಯಾನೆಲ್ನಲ್ಲಿ ಚಿಂತಕರನ್ನು ಕೂರಿಸಿಕೊಂಡು ಚರ್ಚೆಗಿಳಿದವು; ಪತ್ರಿಕೆಗಳು ವಾದ ಸರಣಿ ಆರಂಭಿಸಿದವು; ಇನ್ನೂ ಕೆಲವು ಪತ್ರಿಕೆಗಳು ವಿಶೇಷ ಪುಟ ರೂಪಿಸಿದವು; ವಿಜ್ಞಾನಿಯ ವಾದವನ್ನು ನಾನ್ಸೆನ್ಸ್ ಎಂದು ಜರಿದವು; ಪುರಾಣಗಳಲ್ಲಿ ವಿಜ್ಞಾನ ಹುಡುಕುವ ಈ ಬಲಪಂಥೀಯ ಧೋರಣೆಯನ್ನು ಬಹುತೇಕರು ಖಂಡಿಸಿದರು. ಸದ್ಯಕ್ಕೆ ಇದು ಹೆಚ್ಚು ಚರ್ಚಿತವಾಗುತ್ತಿರುವ ವಿಚಾರ.

ಈ ಚರ್ಚೆಯಲ್ಲಿ ಎರಡು ತೆರನಾದ ವಾದಗಳು ಇರುವುದನ್ನು ಗಮನಿಸಬಹುದು.

1.   ವಿಜ್ಞಾನದ ಆವಿಷ್ಕಾರ ಆಗಿರುವುದೇ ಆಧುನಿಕ ಕಾಲದಲ್ಲಿ. ಅದೂ ಪಶ್ಚಿಮದಲ್ಲಿ. ಹೀಗಾಗಿ ಸಾವಿರಾರು ವರ್ಷಗಳ ಹಿಂದೆ ಭಾರತದಲ್ಲಿ ವಿಮಾನ, ಬಾಂಬ್, ಬಯೋಟೆಕ್ನಾಲಜಿ ಮುಂದಾದ ಹಲವು ರೀತಿಯಲ್ಲಿ ವಿಜ್ಞಾನ ಅಭಿವೃದ್ಧಿ ಹೊಂದಿತ್ತು ಎನ್ನುವುದನ್ನು ಸುತಾರಾಮ್ ಒಪ್ಪಲು ಸಾಧ್ಯವಿಲ್ಲ. ಇದೆಲ್ಲಾ ನಾನ್ಸೆನ್ಸ್ ಆಗಿದ್ದು, ಇದು ಬಲಪಂಥೀಯ ವಾದವನ್ನು ಬಲಪಡಿಸುವ ಹುನ್ನಾರ.

2.   ಮತ್ತೊಂದು ಗುಂಪಿನ ವಾದ ಇದಕ್ಕೆ ತದ್ವಿರುದ್ಧ. ಆಧುನಿಕ ಕಾಲದ ಕೊಡುಗೆ ಎಂದೇ ಭಾವಿಸಲಾದ ಇಂದಿನ ವೈಜ್ಞಾನಿಕ ಕ್ರಾಂತಿ ಭಾರತ ಮೂಲದ್ದು. ಸಾವಿರಾರು ವರ್ಷಗಳ ಹಿಂದೆಯೇ ಭಾರತದಲ್ಲಿ ಎಂದರೆ ವೇದಗಳ ಕಾಲದಲ್ಲೇ ವಿಜ್ಞಾನ ಅಭಿವೃದ್ಧಿಯಾಗಿತ್ತು. ರಾಮಾಯಣ, ಮಹಾಭಾರತದಲ್ಲಿ ಅದ್ಭುತ ವೈಜ್ಞಾನಿಕ ಆವಿಷ್ಕಾರಗಳನ್ನು ಗುರ್ತಿಸಬಹುದು. ಅದರಲ್ಲಿ ವಿಮಾನ ಕೂಡ ಒಂದು. ಇದನ್ನು 7  ಸಾವಿರ ವರ್ಷಗಳ ಹಿಂದೆಯೇ ಕಂಡು ಹಿಡಿಯಲಾಗಿತ್ತು. ವಿಮಾನ ಸಂಹಿತೆ ಎನ್ನುವ ಕೃತಿ ಈ ತಂತ್ರಜ್ಞಾನವನ್ನು ವಿವರವಾಗಿ ಬಿಚ್ಚಿಡುತ್ತದೆ ಎನ್ನುವುದು ಇವರ ಪಟ್ಟು.

ಈ ಎರಡೂ ವಾದಗಳಲ್ಲಿ ಯಾವುದು ಸರಿ ಎಂದು ಯಾರನ್ನಾದರೂ ಕೇಳಿದರೆ ಮೊದಲನೆಯ ಉತ್ತರವನ್ನು ಥಟ್ಟಂತ ಹೇಳಿಬಿಟ್ಟಾರು. ಯಾಕೆಂದರೆ ಈಗ ಹೆಚ್ಚು ಪ್ರಚಲಿತದಲ್ಲಿರುವ ವಾದ ಅದುವೇ ಆಗಿದೆ. ಆದರೆ ಇಲ್ಲಿ ಯಾವ ವಾದ ಸರಿ, ಯಾವ ವಾದ ತಪ್ಪು ಎನ್ನುವುದು ನಮಗೆ ಮುಖ್ಯವಲ್ಲ. ಬದಲಿಗೆ, ಯಾವ ವಾದಕ್ಕೆ ಯಾವ ಚೌಕಟ್ಟು ತಳಪಾಯವಾಗಿ ನಿಂತಿದೆ. ಯಾವ ಚಿಂತನಾಕ್ರಮ ಒಂದು ವರ್ಗವನ್ನು ಒಂದು ನಿರ್ದಿಷ್ಟ ಕೋನದಲ್ಲಿ ಯೋಚಿಸುವಂತೆ ಮಾಡುತ್ತಿದೆ ಎಂದು ತಿಳಿಸಿಕೊಳ್ಳುವುವುದು ಹೆಚ್ಚು ಸೂಕ್ತ. ಇದು ಸರಿಯಾಗಿ ಅರ್ಥವಾದಲ್ಲಿ ಎರಡು ದೊಡ್ಡ ಜ್ಞಾನ ಸಾಮ್ರಾಜ್ಯಗಳನ್ನು ಮುಖಾಮುಖಿಯಾಗಿಸಿ ಅರ್ಥೈಸಿಕೊಳ್ಳುವ ಸಾಮರ್ಥ್ಯ ಒದಗುತ್ತದೆ.

ಈ ಚರ್ಚೆಯಲ್ಲಿ ಇರುವ ವಾದ ಎರಡೇ. ಒಂದು ಇತಿಹಾಸ ಸತ್ಯ ಸಂಗತಿಯೋ, ಪುರಾಣ ಸತ್ಯ ಸಂಗತಿಯೋ ಎನ್ನುವುದು. ಇದನ್ನು ಇಂಗ್ಲಿಷಿನಲ್ಲಿ ಮಿಥ್ ವರ್ಸಸ್ ಹಿಸ್ಟರಿ ಎಂದೇ ಎದುರುಬದರಿಗಿಡಲಾಗುತ್ತದೆ. ಈ ಎರಡೂ ವಾದಗಳಲ್ಲಿರುವ ವಾದ ಸರಣಿ ಅಥವಾ ಆಲೋಚನ ಕ್ರಮವನ್ನು ಅರ್ಥೈಸಿಕೊಳ್ಳುಲು ಓದುಗರಿಗೆ ನೆರವಾಗುವಂತೆ ನಾವು ಈ ನಿಟ್ಟಿನಲ್ಲಿ ಬಂದ ವಿವಿಧ ದಿನ ಪತ್ರಿಕೆ, ನಿಯತಕಾಲಿಕ ಹಾಗೂ ವೆಬ್ಸೈಟ್ಗಳಲ್ಲಿ ಪ್ರಕಟಗೊಂಡ ಪ್ರಮುಖ ಲೇಖನಗಳನ್ನು ಇಲ್ಲಿ ಸಂಗ್ರಹಿಸಿ ಕೊಡುತ್ತಿದ್ದೇವೆ.  ಜತೆಗೆ, ಈ ವಾದ ಮತ್ತು ಅವುಗಳ ಹಿಂದಿನ ಚೌಕಟ್ಟು ಅಥವಾ ಚಿಂತನಾಕ್ರಮವನ್ನುಗ್ರಹಿಸಲು ನೆರವಾಗುವ ಲೇಖನಗಳನ್ನೂ ಇಲ್ಲಿ ಕೊಡಲಾಗಿದೆ.

ಓದಿಗೆ ಅನುಕೂಲವಾಗುವಂತೆ ವಿವಿಧ ಮೂಲಗಳಿಂದ ಸಂಗ್ರಹಿಸಿದ ಎಲ್ಲ ಲೇಖನಗಳನ್ನು ಸ್ಕಾಲರ್‌ ಇಂಡಿಯದಲ್ಲಿ ಅಪ್‌ಲೋಡ್ ಮಾಡಲಾಗಿದ್ದು, ಅವುಗಳ ಲಿಂಕ್ ಅನ್ನು ಕೆಳಗೆ ಕೊಡಲಾಗಿದೆ.  ಒಂದು ಭಾಗದಲ್ಲಿ ವಿಚಾರದ ಪರ ಮತ್ತು ವಿರೋಧದ ಚರ್ಚೆ ಇದ್ದರೆ, ಮತ್ತೊಂದು ಭಾಗದಲ್ಲಿ ಈ ಚರ್ಚೆಗಳನ್ನು ಗ್ರಹಿಸಲು ನೆರವಾಗುವಂತಹ ಲೇಖನಗಳನ್ನು ಕೊಡಲಾಗಿದೆ.

ಭಾಗ 1:

1. An uncertain glory
2. An annual ritual losing its meaning
3. An 'ancient' treatise no older than 1904
4. Alternate history: Passing off fiction as fact
5. When imagination took wing….
6. Science friction
7. Is jingoistic science discrediting the astounding achievements of ancient Indian knowledge?
8. Perils of Petty Politics in the Time of History and Science Congresses
9. Fact vs myth: Mixing up mythology and history will ensure that fun of reading texts is lost
10. ಹಾರುವ ವಿಮಾನವೋ, ಬೀಳುವ ವಿಮಾನವೋ?
11. ಬೋಡಾಸ್ಹಾರಿಬಿಟ್ಟ ವಿಮಾನದ ಸುತ್ತ

ಭಾಗ 2:

1. Note on Settings: History vs. Mythology
2. MYTH AND HISTORY
3. ಭಾರತೀಯರಿಗೆ ಇತಿಹಾಸ ಪ್ರಜ್ಞೆ ಇದೆಯೆ?
4. ರಾಮಾಯಣ ಮಹಾಭಾರತಗಳಲ್ಲಿ ಸತ್ಯಘಟನೆಗಳನ್ನು ಹುಡುಕುವ ಗೀಳು
5. ಪುರಾಣ ಕಥೆಗಳು ಮತ್ತು ಸತ್ಯ ಸುಳ್ಳಿನ ಪ್ರಶ್ನೆ
6. ಭಾರತೀಯ ಪುರಾಣಗಳ ಕಥೆಗಳನ್ನು ಅರ್ಥೈಸುವಾಗ ಎಲ್ಲಿ ಎಡವಟ್ಟಾಗುತ್ತಿದೆ?
7. ಕಥೆಗಳನ್ನು ಕಟ್ಟುತ್ತಾ ಜಗತ್ತನ್ನು ಕಟ್ಟಿಕೊಳ್ಳುವ ಕ್ರಮ

ಲೇಖನಗಳನ್ನು ಓದಿ, ವಾದ ಬೆಳೆಸಲು ಆಸಕ್ತಿ ಉಳ್ಳವರು ಲೇಖನಗಳನ್ನು scholarcolony@gmail.com ಗೆ ಮೇಲ್ ಮಾಡಬಹುದು.

Posted in Indian Science Congress, MYTH AND HISTORY, mythology and science, ಇತಿಹಾಸ, ಪುರಾಣ, ಪ್ರಾಚೀನ ಭಾರತ, ವಿಜ್ಞಾನ